Japan – Sikat ngayon sa social media ang isang Japanese high-school student matapos na ibida sa Twitter ang ginawa niyang robot.
Hindi ito gawa sa kahoy o sa kahit anong matigas na bagay… kundi yari lang naman sa shell ng Cicada o Higurashi.
Kwento ng Twitter-user na si @ride_hero – naisipan niya raw itong gawin para lang may pagkaaalahan siya tuwing summer vacation, ang panahon kung saan nagkalat ang mga cicada shell sa Japan.
Gumamit lang siya ng wood glue para magdikit-dikitin ang mga shell ng insekto.
Inspirasyon daw niya sa kanyang kauna-unahang cicada shell model ang character sa hit mobile game na kilala sa tawag na Old Man of the Mountain.
Sa loob lang ng limang minuto matapos i-post sa Twitter, humakot na agad ito ng mahigit 160,000 likes at 53,000 comments.
