Davao City – Kabsan sa kinabuhi ang usa ka siklista human mabanggaan og multicab alas 7:00 sa gabii niadtong September 26, 2025, sa Coastal Road, duol sa Bago Aplaya, Davao City.
Sumala sa report gikan sa Davao City Police Office (DCPO), giila ang biktima nga si Domingo Morales, 70 anyos, residente sa Punta Dumalag 3, Brgy. Matina Aplaya, samtang ang drayber sa multicab wala pa mailhi.
Base sa inisyal nga imbestigasyon sa kapulisan, ang multicab nagasubay sa Coastal Road gikan sa Talomo Cemento Road. Pag-abot sa dapit sa insidente, nakabangga kini sa bisikleta nga gidrayban sa biktima.
Tungod sa kakusog sa impact, natumba ang bisikleta sa sementadong kalsada ug nakaangkon og grabeng kadaot sa lawas ang siklista. Daling mitabang ang Central 911 ug gidalá siya sa Davao Seventh-day Adventist Hospital, apan gideklarar siyang dead on arrival sa mga attending physician.
RadyoMan Don Pulayao
Facebook Comments
