Arestado sa kapulisan si Jerum Q. Bustillo, 26 anyos human kini gipasanginlan nga mikuha sa manok igtalari.
Kahinumduman ang kapulisan sa Roxas nakadawat ug tawag gikan kang Christopher Gummo nga matod pa gitangag ang iyang duha ka manok igtalari sa wala mailang indibidwal.
Dali nga naghimo ug pursuit operation ang kapulisan sa Roxas,malampuson nila nga nasikop si Jerum didto sa may Sitio Sipakong, brgy. Saluyong, Manukan, tungod sa pagkalambigit niini sa sunod-sunod nga pagpangawat sa manok pangsabong sa ilang lungsod.
Naaktuhan kini sa mga pulis nga mihatod sa gituohang manok pangsabong nga nawala didto sa Lapis Carenderia, barangay Langatian, Roxas buot unta niya nga ibaligya apan na bawi kini sa mga pulis.
Dali usab kining gi adto sa tag-iya didto sa buhatan sa Roxas MPS aron susihon, positibo kining giila sa tag-iya nga si Christopher, nga ang maong duha ka manok mao kadto ang nawala.
Gihikay na karon sa kapulisan ang kasong ipasaka batok sa gikaingong kawatan.
