General Santos City–Sikop ang 5 ka pusher nga silang Alvi Ondoy, 39 anyos, mananagat, Renato Guran, 38 anyos, habal-habal drayber susamang residente sa may Purok 19 barangay Fatima; Leo Plaza, 43 anyos, Balbero Salvelia, 43 anyos, parehong taga Employees Village, barangay Fatima ug ang usa ka Michael Cuervo, 32, taga Purok Saludin barangay Labangal atol sa gipahigayong buy bust operation sa iniusang pwersa sa Police Station 8, Police Station 5, ug Police Station 7 sulod sa Area of responsibility sa PP7 ug PP5 kagabie.
Nakuhaan ug pipila ka sachet sa gituohang shabu ang nasangpit nga mga suspetsado ingon man Marked money nga nagkantidad ug P1,000.00 ug P500.00.
Wala na makapalaga ng mga suspek human nga nakorner sa kapulisan dihang mikagat sa tanyag sa nagpakarong-ingnong poseur buyer. Sa karon mga suspek balhog na sa silda sa kapulisan ug gikatakdang kasuhan karong adlawng Lunes sa kasong kalapasan sa R.A 9165.
