General Santos City–dakpan atol sa gipahigayong search warrant operation sa Polomolok Police Station ang usa ka aktibong pulis human maaktuhan sa sulod sa panimalay sa usa sa ilang mga target.
Giila ni police chief inspector Alex Orcajada, Hepe sa Polomolok PNP ang nasangpit nga pulis nga si Po2 Ernie Sagabay nga nakabasi sa Regional Mobile Force Battalion-12.
Sumala pa nga wala sa maong panimalay ang target nga si Raniel Milo, apan anaa si Sagabay ug expire ang lisensya sa iyahang personal nga armas.
Dugang pamahayag ni PCI Orcajada nga basi sa pamahayag sa pulis, anaa siya sa maong lugar gumikan iyang karelasyon ang usa sa mga nag-abang sa maong balay.
Gawas sa expire nga lisensya sa armas, wala nay nakuha kang Po2 Sagabay ug nagnegatibo man usab kini sa iligal nga droga human gipa-ilalom sa drug test.
Sa kasamtangan, anaa na sa kustudiya sa Polomolok PNP si Po2 Sagabay kansa nag-atubang ug kasong pagsupak sa R.A 10591samtang magdepende na sa iyahang labaw kung kini pasakaan ug kasong administratibo. (Lore Romualdo)
