General Santos City–Nabulabog ang mga residenti sa Barangay Baluan
Gensan gumikan sa presensya sa usa ka lalaki nga misuway ug sulod sa
usa ka balay sa maong lugar alas 3:00 pasado ang takda sa kabuntagon,
kaganina.
Sumala ni Baluan kapitan Armand Diamante nga sila nakadawat ug report
gikan sa mga residenti nga matud pa dunay usa ka lalaki nga kadudahan
ug lihok sa ilang lugar mao nga ilang girespondihan.
Malampsuong nasikop ang suspek nga si Jefrey Solera nga taga Maasim,
Sarangani Province.
Matud ni kapitan nga unang nangayog tubig ang nasangpit ang suspek sa
tigbalay , apan dihang gihatagan ug tubig buot pa niining musulod
maong naalarma ang mga residenti.
Dugang pahayag ni kapitan Diamante nga human nilang nadakpan milihok
na nga dawsa dunay deperensya sa panghuna-huna ang nasangpit nga
lalaki.
Tungod niini ila kining gidala sa Dr. Jorge Hospital aron unta masuta
kung dunay deperensya sa panghuna-huna o dili ba kaha lango sa iligal
nga droga apan gikadismaya sa kapitan human matud pa nga wala sila
gitagad.
