Russia – Viral ngayon sa social media ang tila walang katapusang “Silent Battle” sa pagbubukas at pagsasara ng bintana ng dalawang pasahero ng bus.
Sa video ng kuha ng kapwa nilang pasahero sa Nizhy Novgorod, Russia – makikitang isinara ng isang babae ang bintana ng bus dahil sa lakas ng hangin.
Isang lalaki naman sa likurang upuan ng ginang ang nagbukas nito dahil naiinitan.
Pero pagkabukas ng bintana, isinara ulit ito ng ginang na paulit-ulit nilang ginawa!
Umabot pa nga sa puntong hinawakan na ng babae ang bintana para hindi na mabuksan ng lalaki, at nang nakakuha naman ng tiyempo ang lalaki, binuksan niya ito at pinigilan ng kanyang kamay para hindi ulit maisara ng babae!
Wala namang nangyaring sagutan sa pagitan ng dalawa at dahil nasa apat na minuto lang ang video, hindi na malinaw kung sino ang nanalo sa kanilang “Silent Battle.”
