Davao City- Gisugyot karon sa Philippine Drug Enforcement Agency kun PDEA XI kalabutan sa resulta sa Social Weather Stations (SWS) Survey nga angayan pahamtangan sa silot kamatayon ang mga nagapayuhot og iligal nga droga.
Gibutyag ni Noli Nephi Dimaandal, spokesperson sa PDEA XI nga pabor siya nga ipabalik ang death penalty ngadto lamang sa nagapayuhot og droga samtang kining mga nagagamit og droga hatagan og panahon nga magbag-o sanglit biktima lamang sila.
Dugang ni Dimaandal nga dili kalisod ang hinungdan kung ngano ang tawo mubaligya og shabu, rason niini sumala niya tungod sa katapulan sa tawo sa pagpangita og trabaho diin gusto sa uban nga sayon lang nga pamaagi sa pagpangita og kwarta sama sa pagpamaligya og iligal nga droga.
RadyoMan Don Pulayao
