SIM card registration dili gihapon makahunong sa scam

Davao City – Kampante ang National Telecommunication Commission Davao Region (NTC-XI) nga dali nalang mailhan sa mga awtoridad, ang mga anaa sa likod sa modus operandi ug mga scam sa cellphone karon nga rehistrado na ang mga Subscriber identity module (SIM) card sa mga subscribers sa tulo ka higanteng Telecommunication Companies sa nasod.

Positibo si NTC XI Regional Director Nelson Cañete, dili na makabuylo ang mga mangingilad ug scammers karon nga lakip, ang ilang gigamit nga SIM card rehistrado na, busa dali nalang sila mailhan kon muhimo sila og pangilad, pinaagi sa pagpadala og link sa page, mga mensahe ug uban pang istilo diha sa mga cellphone.

Tungod niini hingpit na gayod matuldokan sa gobyerno, ang pangilad ug scam diha sa mga subscribers, kauban ang panghinaot sa director nga wala na’y mga dabawenyo nga mailad pa, karon nga rehistrado na ang minilyon ka mga SIM card sa entero nasod.

Apan giklaro ni Director Cañete, dili garantiya ang SIM card registration nga mahingpit nang mawala ang scam, sanglit ang nahatagan ra og solusyon mao lang ang pagpangilad sa cellphone, apan sa internet wala pa.

Busa gilauman na daan sa NTC-XI, ang dakong posebilidad nga maghitak ang modus operandi ug scam sa social media, diin gitambagan sa director ang publiko nga dili i-click ang link nga ipadala pinaagi sa facebook account, messenger account ug uban pang social site sa ingon aron dili makuhaan og kwarta sa mga scammers.

RdyoMaN Joel Viray