Davao City – Mamahimo nang magpahigayon og simba sa adlawng Domingo.
Kini ang gikumpirma ni Davao City Mayor Sara Duterte-Carpio dungan sa pagwagtang sa paggamit sa Food and Medicine (FM) Pass sugod sa Lunes (August 3, 2020).
“Kung ma-lift ang FM pass, pwede na ang Sunday masses,” segun sa Mayor.
Pahinumdom sa Alkalde nga kinahanglang ipatuman sa mga simbahan ang mga gikinahanglang health protocols batok COVID-19 (Coronavirus Disease 2019) sama sa pagsuot og face mask, pagbaton og handwashing facility ug social distancing.
Dugang sa Mayor, isip kabahin sa pagbaton og disiplina sa katawhan o pagbaton og self-regulation sa mga angay himuon batok COVID-19 padulong sa ginatawag nga new normal.
Kahinumduman nga sa miaging mga semana, wala gitugot ang simba sa adlaw’ng Domingo, gikan Lunes hangtud Sabado lang aron ma-kontrola ang dagsa sa mga tao.
RadyoMaN Kirby Manzon
