Sa interbyu sa DXDC RMN Davao kang Colonel Comia, gigradohan niini ang aktibidad og 9 over 10, diin giingon niini nga adunay mga gagmay’ng butang nga angay i-adjust para mas maayo ug mas hapsay pa ang pagresponde sa maong insidente diin bus hostage rescue operations ang nahimong scenario sa exercise.
“Maghimo ‘ta og after-action review next week. It will be Tuesday. Tanang mga evaluator sa kanang simulation exercise, we will give them a chance to objectively cite some criticism, some critiques aron maging maayo, ma-enhance pa nato ang atong integrated response on terrorism plan,” butyag ni Comia.
Dugang ni Comia, daghan pang nakalinyadang SIMEX ang himuon aron mabansay ang security forces sa pagresponde dili lang sa land, lakip na sa sea ug air incidents.
Gikalipay usab sa TFD Commander, ang partisipasyon sa Davaoeños sa mga drill sa awtoridad ug sa padayong pagsuporta sa kampanya sa “Culture of Security” nga “May Nakita, Dapat Magsalita”.
RadyoMaN Kirby Manzon
