L CASTELLANA – Ginklaro ni Chief Inspector Irma Teoxon hepe sang La Castellana Municipal Police nga ang natabo nga pagpalibot sang yellow nga ribbon nga may ngalan nga ‘caution’ sa Ceres terminal sang banwa sang La castellana ang isa ka sahi sang simulation exercise (SimEx).
Ini ang ginatawag ‘left baggage behind’ ukon ang pagbilin sang isa ka bag nga ginasuspetsuhan may unod nga bomba ukon explosives.
Suno sa hepe, nga ginhimo ini agud nga iya obserbahan kun ano ang mahimo sang mga kapulisan pananglitan nga may matabo nga insidente katulad sini.
Antis ginpatigayon ang simulation exercise nagpangayo na ini sang permiso sa tagdumalahan sang Ceres Terminal sa La castellana para indi makibot ang mga pasahero sa pagpadulong sang mga police sa terminal.
Dugang pa ni Teoxon nga ang mga Police Station gina require nga magpatigayon sang simulation exercises, emergency response exercise kag communication exercise gani wala gid sya nagapabaya sa pagpatuman sini.
