SIN-O ANG MALAKIP SA LISTAHAN? | Listahan sang narco-politicians ipagwa antes magsugod ang local campaign period

2306

Ginpat-od ni DILG Secretary Eduardo Año nga antis pa man mag-umpisa ang lokal nga campaign period, igapaguwa na nila ang listahan sang mga narco-politicians.

Sa maabot nga Marso 20, 2019, natalana nga maga-umpisa ang local campaign period.

Suno kay Año, magasapol sila anay ni PDEA Director General Aaron Aquino kag dangerous drugs board chief Catalino Cuy angut sa listahan sang mga narco-politicians antis ipasa kay pangulong Rodrigo Duterte ang narco-list.

Ginpamilit sini nga padayon pa ang validation sa ginauyatan nila nga listahan.

Suno sa iya nga kinahanglang masiguro nga wala sang mga inosente nga politiko ang malakip sa listahan bangud unfair ini para sa mga politiko nga ginahimo ang ila trabaho kag indi involve sa ilegal nga aktibidad.

Base sa record nga ginauyatan sang PDEA, yara sa 83 ka mga politicians ang kalakip sa ila narco list kon sa diin kadam-an sa mga ini ang mga mayor, governors, vice-governors, vice-mayors kag barangay captains.// Sonny Punay

Photo from web

Facebook Comments