Davao City – All out support ang Coast Guard District Southeastern Mindanao atol sa gipahigayong 34th International Coastal Clean-up (ICC) niadtong Sabado, Setyembre 21, 2019.
Sinakong mga basura ang mga nakolekta sa nagkadaiyang baybay ug kadagatan atol sa dakong aktibidad.
Sumala ni Commodore Roy Echeverria ang Coast Guard District Southeastern Mindanao Commander nga usa kini ka pamaagi diha sa pagpahibalo sa publiko ang importansya sa atoang kinaiyahan ug kadagatan.
“Importante ito para ma-aware din ang mga tao sa importance sa cleanliness ng ating environment kasi iyong mga source ng food natin ay andiyan din sa ating marine environment natin,” segun ni Echeverria.
Samtang, matud ni Captain Jun L. Estallo, Deputy Director Auxillary District, CGADSEM nga libuan usab ka mga PCGA personnels ang nisalmot gikan sa 11 ka mga squadrons.
Ang 801st Squadron nag-coast clean up sa Lizada Beach Club, Brgy Hizon, Lanang, ang 811th Squadron sa may Brgy. Centro Agdao samtang ang 819th Squadron sa Cuaco Beach sa may Lanang.
Gawas sa PCG-PCGA nitabang usab ang mga nagkadaiyang mga sakop sa ahensya sa gobyerno, pribadong sektor, estudyante ug mga volunteers.
Ang nasangpit nga aktibidad pinakadako kining inisyatibo para sa pagpangga sa kadagatanan diin ang mga tao sa entero kalibutan nagtagbo sa mga baybay, kasapaan ug pipila usab nisalom pa sa ilawom sa mga kadagatan aron panguhaon ang mga basura.
RadyoMaN Aimee Guinita
