Quezon City – Arestado ang anim na tao na miyembro ng sindikato matapos ikasa ang entrapment operation laban sa kanila sa masambong, Quezon City.
Sa ulat, mismong ang pangunahing suspek na si Salvacion Rizo, 67-anyos ang siyang nakikipag-transaksiyon sa mga biktima kung saan bibili ito ng sako-sakong bigas saka babayaran ng tseke na wala pa lang bisa.
Nadakip din sa operasyon ang limang kasabwat nito na sina Manuel Pascual, Elizabeth Camasis, Sheila Sapio, Ricardo Andico, at Ricardo Bodosco.
Noong una ay nagmayabang pa ang suspek sa biktimang si Jenny Santos kaya’t nagpatulong na ito sa mga pulis para agad na madakip.
Inamin naman ng suspek ang paratang saka sinabing nagka-problema siya sa tseke at plano daw sana niyang balikan ang mga naka-transaksiyon subalit natakot na ipakulong siya ng mga ito.
