Padayon pa karon ang pagpangita sa kapulisan sa gikataho nga gikawat matod pa nga motorsiklo didto sa may brgy. Pob. South sakop sa lungsod sa Polanco.
Usa kini ka unit sa Blue Yamaha Cryton nagtangag sa plaka numero JO3460, lakip usab nadala ang certificate of registration uban sa official receipt penetsahan kini ug October 9, 2017.
Ang maong motor single gipanag-iyahan kini ni Cecilia Alvaro y Ombalino nagpauyo sa maong lugar.
Sa gihimong pagkigsusi sa kapulisan nasayran nga gitangag sa wala mailang indibidwal didto mismo sulod sa ilang compound bandang alas 2:00AM kapin kun kulang niadtong miaging adlaw samtang naka parking kini.
Padayon pa karon nga ginamonitor sa PNP polanco aron sa dinaliang pagka rekober sa maong single motor ug mauli na kini sa tag-iya.
Samtang sa laing bahin walay mga dinagko nga panghitabo ang nakatala sa police blotter sa matag lungsod sakop ning probinsya sa Zamboanga del norte gawas lamang sa mga Petty crimes apan dili kini makapatandog sa kahapsay ug kalinaw.
Padayon usab ang pagtukaw sa mga kapulisan matag karon ug unya aron mabantayan ang mga dautang elemento nga mo sulod ug gawas sa ilang tagsa-tagsa ka mga area of responsibility.
