STA. FE, Leyte – Nabunggo han pampasahero nga jeep an ginsasakyan nga single nga motor han tulo nga babayi ha Brgy. Pilit, Sta. Fe, Leyte kakulop alas 7:15 han aga.
Ginkilala an mga biktima nga hira Joy Barrantes, 17 anyos, residente ha Brgy. 12 Palanog, Tacloban City; realyn rebato, 16 anyos, residente ha brgy. Gapas sta. Fe, leyte; ngan hi Jamaica Sadia, 17 anyos, residente ha Brgy. Tibak, Sta. Fe, Leyte.
Ginkilala naman an driver han jeep nga hi Chito Vinas, 32, anyos, ngan residente ha Brgy. Sta. Cruz San Miguel, Leyte.
Ha interview han RMN kan SPO4. Edcil Brameda, Deputy Chief of Police Han Sta. Fe Leyte, pareho nga ginbabaybay han single nga motor nga tikang ha Sta. Fe, Leyte proper ngan pampasahero nga jeep nga tikang ha San Miguel Leyte an direksyon tipakadto ha Tacloban pero tigda nga nag-uturn an single nga motor rason han pagkabunggo hini.
“Nauuna ini nga single nga motor, nakadi ha luyo an jeep ngan tigda nga nag-uturn an single nga motor nga nagresulta han pagkabunggo hini. Nalabog ini nga mga sakay.”
Dayon nga gindara ha hospital an mga biktima, sumala kan Brameda, namatay na an 17 anyos nga hi Joy Barrantes alas 6:00 kagab-i.
Gin-aandam na an kaaangayan nga kaso nga ipapasaka kontra ha driver han jeep.
Ha pagka-yana nakapaslak an jeepney driver ha Sta. Fe PNP Lock Up Cell.
