TACLOBAN CITY – Waray man bagyo nga posible umigo ha Sinirangan Bisayas ha mga masunod nga adlaw, nag-aandam la an Department of Social Welfare and Development (DSWD) Regional Office 8 yana nga mga bulan nga posible may mga kalamidad o typhoon nga umabot.
Kilala an Eastern Visayas nga pirmi nai-igo hin bagyo partikular na an umagi nga makusog nga bagyo ha kasaysayan an Super Typhoon Yolanda.
Ginsiguro ni DSWD-8 Regional Director Restituto Macuto an publiko nga mayada supisyente nga stocks sugad han food relief items or non-food relief items ha Regional Resource Operations Center (RROC).
Maayda 11,000 food packs nga naka-standby para ha distribusyon kun ha sitwasyon nga mayada kalamidad nga umabot.
Kada food pack in mayada 6 kilograms nga bugas, 4 cans han beef loaf, 4 cans han corned beef ngan 6 sachets han kape nga naagi ha control quality measures para masiguro nga magagamitan ini ha sitwasyon nga mayada emergency.
Naka-standby gihapon an PHP3 million nga pondo nga gagamiton para ha disaster operations.
Dugang ha pamahayag ni Dir. Macuto nga andam hira rumesponde, social welfare action ngan igdedeploy nga teams ha mga probinsya.
