Manila, Philippines – Titiyakin umano ng Kongreso na makapaglalaan sila ng sapat na pondo kada taon para sa implementasyon ng R.A. 11036 o Mental Health Law.
Sa interview ng Rmn DZXL Manila, sinabi ni Senator Risa Hontiveros na pipilitin nilang maging abot-kaya ang pagpapagamot ng mga acute mental health patients sa pakikipagtulungan na rin ng iba’t ibang ahensya ng gobyerno gaya ng Philhealth at DOH.
Samantala, ayon kay Hontiveros – kabilang sa mahahalagang probisyon ng batas ang:
– Pagtatalaga ng DOH ng mga psychiatric, neurologic at psychosocial service;
– Pagpaparami ng lahat ng uri ng doktor, nurse, kamadrona at barangay health workers na may kapasidad na magbigay ng mental health services;
– Alisin ang diskriminasyon sa mga taong may mental health problem sa pamamagitan ng mga mental health program.
May 60 araw ang DOH para tapusin ang IRR.
