Segun ni Davao City Police Office (DCPO) ug SITG Bragas spokesperson Police Major Catherine Dela Rey, gimanduan ang tanang station commanders nga mutabang sa Calinan Police Station sa pag track down sa bao-bao trike nga gisakyan sa mga suspek sa krimen.
Sa imbestigasyon anaa sa duha ngadto sa tulo ka mga suspek ang ginalantaw sa mga awtoridad diin una pa man nipara ang biktima sa bao-bao trike adunay usa ka tawo na ang nakasakay uban ang drayber.
Gibutyag ni Dela Rey nga aduna silay lead kun ginasubay nga mga pweding makatabang sa pagidentipika sa mga responsable sa krimen.
Nanawagan ang mga awtoridad ngadto sa mga adunay kasayuran sa rape with homicide case nga muduol kanila aron sa hinanaling panahon madakpan ang mga responsable sa krimen.
Napalgang wala nay kinabuhi niadtong Miyerkules sa sagingan nga bahin sa Dacudao, Calinan ning dakbayan ang biktima
RadyoMaN Aimee Guinita
