Gimugna na karon sa kapulisan ang Special Investigation Task Group o SITG Deloso aron daling masulbad ang kasong pag-ambush kang Police Supt. Michael John Deloso.
Sa interview sa dxCC-RMN gibutyag ni Police Regional Office 10 Spokesperson, Supt. Surki Serenas nga ang maong SITG gipangunahan ni Cagayan de Oro City Police Office Director, Sr. Supt. Nelson Aganon.
Samtang matud ni Supt. Serenas nga bisan nasa kritikal nga kondisyon si Supt. Deloso apan stable na ang iyang mga vital signs human gi-operahan sulod sa halos unom ka oras.
Gibutyag usab ni Supt. Serenas nga niabot sa 12 ka igo sa bala sa nagkadaiyang bahin sa lawas ang naangkon ni Supt. Deloso gikan sa armas nga gigamit sa nakamaskang riding in tandem suspects.
Sa karon padayon pang gisuta sa kapulisan ang motibo sa pag-ambush kang Deloso.
