Davao City- Gilaraw sa Davao City Police Office (DCPO) ang pagtukod og Special Investigation Task Group alang sa double murder case sa Brgy Baganihan, Marilog District ning dakbayan.
Segun ni Police Captain Hazel Tuazon, DCPO spokesperson gipaabot na lamang nila ang approval sa Police Regional Office 11 sa request sa itukod nga SITG para sa mas mapalawman pa ang imbestigasyon sa pagpamanhig patay kang Brgy. Baganihan Kagawad Joel Daguinsal Siawan ug Datu Ernesto Linog Matalam, Indigenous People Mandatory Representative (IPMR).
Gibutyag niini nga land dispute ang usa sa mga gilantaw nga motibo sa pagpatay sa mga biktima.
Dili muubos sa duha ka mga persons of interests ang gigukod sa nagpadayong joint hot pursuit operation sa kapulisan ug militar sa krimen.
RadyoMaN Aimee Guinita
Facebook Comments
