Sto. Niño, South Cotabato – Gibutyag karon ni Police Lieutenant Renjun Bagaman, Public Information Officer sa South Cotabato Provincial Police Office nga planong mugnaon sa kapolisan ang special investigation task group nga motutok sa kaso sa pagpamusil-patay kay Sto. Niño Municipal Mayor Pablo Matinong Jr.
Butyag pa ni PLt. Bagaman nga bag-ohay ra nag-meeting ang kapolisan sa probinsya og munisipyo kabahin sa maong kaso og iyang gikumpirma nga aduna nay lead na ginatan-aw karon og sa dili madugay mapasakaan na og kaso ang mga suspek sa Matinong murder case.
Dugang ni Bagaman nga sa karon ang ginalantaw nga bug-at na rason sa pagpusil patay kay Mayor Matinong Jr. mao ang trabaho niini isip local chief executive sa munisipyo ingon man ang iyang personal nga butang sama sa negosyo.
Samtang giklaro usab sa maong opisyal sa SCPPO nga layo na kaayo kung makonekta pa sa maong kaso ang pagkalambigit sa pangalan sa mayor ngadto sa narco-politicians nga anaa sa listahan kaniadto ni Pangulong Rodrigo Duterte.
Kung kahibaw-an nga aduna nay mga death threat dugay nang nadawat ang biktima og iyaha na kining napahibalo sa otoridad.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 39007479_312661589278753_8939341739286593536_o.jpg]
