Davao City- Aron mapadali ug mas mapalawnan pa ang imbestigasyon sa pagpusil patay sa bag-ong na elect nga Kapitan sa Barangay Datu Abdul, Panabo City nga si Engr. Paul Albert Saquian nagtukod na ang kapulisan og Special Investigation Task Group.
Gibutyag ni Police Major Catherine Dela Rey, Police Regional Office 11 Spokesperson, gipasalig sa Davao Del Norte Police Provincial Office nga tutukan ang maong murder case sa pagtunol og hustisya sa pamilya sa biktima.
Matud niini gipailawom sa awtopsiya ang patayng lawas sa biktima para mahibaluan pila gayod ka mga pinusilan sa iyahang lawas ang iyahang nahiaguman.
Narekober sa crime scene ang basyo sa bala sa .45 nga baril.
Kahinumduman nga samtang nagdrayb ang biktima sa iyahang kotse gikan og Barangay New Visayas gipusil kini sa makadaghang higayon sa mga suspek sa Purok 5 Mangga, Barangay Datu Abdul Dadia, Panabo City niadtong November 7, 2023 alas 4:30 sa hapon.
RadyoMaN Aimee Guinita
Facebook Comments
