Segun ni Police Major Catherine Dela Rey, Police Regional Office 11 ug SITG Magulta Spokesperson, tulo ka mga persons of interest nga ilahang ginatutukan ug ginasubay sa nagpadayong imbestigasyon.
Matud ni Dela Rey, posibleng dili mga taga-syudad sa Davao ang maong mga persons of interest apan gilantaw sa experts sa EOD nga dinhi lang sa syudad gi-assemble ang maong eksplosibo.
Gikumpirma sa SITG Magulta nga usa kini ka IED nga gipabusikad pinaagi wireless remote receiver.
Sumala ni Dela Rey, ang nag-detonate anaa sa 50-100 meters sa gipabusikad nga sakyanan sa abogado.
Nasayran nga ang signature kun klase sa IED ginagamit kini sa mga tapad nga rehiyon sa mga harrassment, threats o sa mga extortion.
Matud ni Dela Rey, personal grudge ngadto sa abogado kinsa aduna nay nadawat nga hulga ug dili kini terroristic attack sa dakbayan.
Gilantaw sa mga awtoridad nga tungod sa mga gihawiran niining kaso may kalabutan sa bangi sa yuta nga motibo sa pagpanghulga sa biktima.
RadyoMaN Aimee Guinita
