Davao City – Girekomendar sa Davao City Police Office (DCPO) sa Police Regional Office XI, ang pagmugna og Special Investigation Task Group (SITG) sa pagpatay sa magtiayong Atty. Sitti Gilda Mahinay-Sapie ug Muhaimin Mohammad “Timmy” Sapie.
Gibutyag ni Police Col. Kirby John Kraft, DCPO City Director, ang mugnaong SITG gilangkuban sa Davao City Police Office, Criminal Investigation and Detection Group (CIDG) ug Regional Crime Laboratory Office 11. Pinaagi sa SITG mas mapalawman ug matutukan ang kaso sa pagpatay sa magtiayon.
“Magkakaroon kasi dito ng weekly assessment, kung kailangan pa twice a week, dito kasi nalalaman natin ang partisipasyon ng bawat isa,” sumala niini.
Nagpadangat og pahasubo si Kraft sa nailo nga mga anak sa mag-asawa.
Andam ang kapulisan sa paghatag og seguridad sa pamilya sa mga namatay.
Nanawagan ang hepe sa publiko sa mga adunay nahibaw-an aron makatabang sa pagresolba sa kaso ug paghatag og hustisya sa mga gipatay nga mudangop sa mga awtoridad.
RadyoMaN Aimee Guinita
