Magtukod ang Cebu Provincial Police Office ug usa ka Special Investigation Task Group aron mototok sa imbistigasyon sa pag-ambush ug pagpatay sa laing officer sa Philippine Drug Enforcement Agency nga si Von Rian Tecson didto sa Perrelos , Carcar.
Aduna nay lead nga gisundan ang PNP kung si kinsa ang responsabli sa pagpatay ni Tecson apan gisunod lang una nila ang protocol nga gipatuman sa mga imbistigador.
Gikuhaan na usab nila ug pahayag ang mga saksi sa crime scene diin adunay nakasulti nga nakabawos pa ang biktima ngadto sa usa sa mga suspek .
Matud ni Abrugena nakakuha kini ug report nga ang suspek nga napusilan gida sa South General Hospital sa Naga City.
Usa sa gitan-aw sa kapolisan mao ang may kalabutan sa trabaho ni Tecson isip operatiba sa PDEA-7 ang posibling motibo sa pagpatay niini .
