Davao City – Siyam ka insidente sa pagpanulis ang natala sukad niadtong bulan sa Enero petsa 22 hangtud sa bulan sa Abril ning tuiga subay sa datus nga gipagawas sa Davao City Police Office.
Sumala ni DCPO Spokesperson Police Sr. Inspector Maria Teresita Plaza Gaspan samaong datos adunay usa dinhi ang naneutralisa sa kapolisan nga nahitabo sa Bankerohan human nga misukol sa kapulisan.
Gidugang ni Gaspan nga gimanduan na ang tanan kapolisan nga kanunay magbinatayon alang sa pagbantay sa seguridad sa ilang area of responsibility.
Subling nagpahimangno si Gaspan sa katawhan nga kanunay magbinatayon sa mga lugar nga daghan ug tawo ilabina sa ngit ngit nga bahin ug kung mahimo likayan ang pag suot og mga mahalaon nga alahas ug pagdala og mga gadgets.
Kung ugaling adunay mamatikdan o kadudaduhan lihok sa tawo daling ireport kon isumbong sa kapolisan aron marespondehan kini sa mga otoridad.
RadyoMaN Don Pulayao
