Davao City – Sikop sa kapulisan ang siyam ka mga indibidwal atol sa gilusad nga anti-illegal gambling operation sa kapulisan.
Sa Buhangin PNP, upat ka mga tawo ang giaresto human kini nadakpan nga nagdula og ‘piatpiat’ alas 11:30 sa kagabhion didto sa Emily Homes Barangay Cabantian siyudad sa Davao.
Ang mga nadakpan mao sila si Alexander Alendote, 28 anyos, Alfonso Gagui, 28 anyos,Caryl Geyrozaga, 30 anyos ug Abuol Macapindig, 26 anyos parehong residente sa nasangpit nga lugar.
Nakuha gikan sa posisyon sa mga suspek ang usa ka color blue nga baraha, usa ka lamesa, tulo ka lingkoranan, duha ka stalls ug bet money nga kapin 200 pesos.
Samtang sa Compostella Valley, gipangdakop usab sa kapulisan ang lima ka lalaki nga nag tong-its alas 8:30 sa kagabhion particular sa Barangay Poblacion Laak Compostela Valley.
Mga suspek giila sa pangalang sila si Benjamin Dulohan, 41 anyos, Ricky Siacon, 48 anyos, Noel Amparo, 54 anyos, Bryan Comiling, 32 anyos, Feliciano Tejale Jr., 44 anyos pulos minyo ug residnete sa nahisgutang lugar.
Nabawi gikan sa mga suspek ang kwarta nga 390 pesos ug baraha nga gigamit sa tong-its.
Kasong pag lapas sa Presidential Decree No. 162 kon Anit-Illegal Gambling Law ang ipasaka ngadto sa mga dinakpan.
Radyoman Don Pulayao/ RadyoMaN Jules Catisay
