Davao City – Gikustodiya sa Women and Children Protection Desk sa Sta. Ana PNP ang siyam ka mga minor human nadakpan nga naglaroy-laroy alas 3:00 sa kaadlawon sa Jerome, Brgy. Centro siyudad sa Davao.
Sa gilusad nga pagpatrolya ang kapolisan sa Sta. Ana, naaktuhan ang mga menor de edad nga naglatagaw sa kadalanan hinungdan nga gisikop sila sa otoridad.
Subling nagpahimangno si Sta. Ana PNP station commander P/Chief Insp. Michael Uyanguren sa mga ginikanan nga ilang bantayan ang ilang mga sakop nga dili maglatagaw sa dyes oras sa gabie.
RadyoMaN Don Pulayao
Facebook Comments
