Gisikop sa kapulisan sa Misamis Oriental ang siyam ka mga wanted persons sa managlahing higayon gikan niadtong Oktubre 10 hangtud Oktubre 15 ning tuiga.
Una sa listahan ang number 1 Most wanted person sa Salay nga si Charito Marianas, 56 anyos, minyo ug taga Purok 5, Barangay Saray, Salay, Misamis Oriental.
Si Marianas gisikop sa kapulisan sa Salay tungod sa kasong rape nga walay piyansa.
Ikaduha si Maricel Deringer, 35 anyos, balo, self-employed ug taga Purok 1, Barangay San Roque, Medina, Misamis Oriental.
Si Deringer gisikop sa kapulisan sa Medina tungod sa kasong Estafa nga dunay piyansa nga 120-mil pesos.
Ikatulo si Marjun Estares, 25 anyos, ulitawo ug taga Sitio Talagusok, Gimaylan, Libertad, Misamis Oriental.
Si Estares gisikop sa kapulisan sa Libertad tungod sa traffic violation.
Ika-upat si Edilberto Villegas, 55 anyos, minyo ug taga Xavier Ecoville Relocation, Barangay Lumbia, Cagayan de Oro City.
Si Villegas gisikop sa kapulisan sa Gingoog City tungod sa kasong 2 counts of rape apan dunay piyansa nga 120-mil pesos.
Ikalimang nasikop ang number 2 most wanted person sa Jasaan nga si Jenefer Achas, 25 anyos, taga San Nicolas, Jasaan, Misamis Oriental.
Si Achas gisikop sa kapulisan sa Jasaan tungod sa kasong murder nga walay piyansa.
Ika unom si Nixon Aboy, 36 anyos, minyo ug taga Binitinan, Balingasag, Misamis Oriental.
Si Aboy gisikop sa kapulisan sa Balingasag tungod sa kasong libel nga dunay piyansa nga 30-mil pesos.
Ika pito si Delano Barba, 31 anyos, minyo ug taga Zone 6, Awang, Opol, Misamis Oriental.
Si Barba gisikop sa kapulisan sa Opol tungod sa pagpalas sa Republic Act 7610 o Special Protection of Children Against Abuse, Exploitation and Discrimination Act nga dunay piyansa nga 200-mil pesos.
Ikawalong wanted person nga nasikop mao ang number 7 most wanted person sa Lugait nga si Jemboy Canadilla, 30 anyos, ulitawo, mag-uuma ug taga Sambulawan, El Salvador City.
Si Canadilla gisikop sa kapulisan sa Lugait tungod sa kasong rape nga walay piyansa.
Ika-siyam mao si Alfredo Abao, 66 anyos, minyo ug taga Barangay Camauyan, Balingasag, Misamis Oriental.
Samtang gisikop usab sa kapulisan sa Jasaan ang nakonbikto sa kasong homicide tungod sa violation sa parole.
Kini mao si Jonathan de Leon Belonia, 40 anyos, minyo ug taga Purok 3, Upper Solana, Jasaan, Misamis Oriental.
