BACARRA, ILOCOS NORTE – Kas pammatalged iti tinawen nga panangselebrar iti International Youth Month, ti Sangunniang Kabataan (SK) iti ili ket nanggunglo iti maysa a programa nga napauluan Awrahan at Bigayan, “Bisitahin,Tara,Tara.”
Daytoy nga aramid ket maysa nga online selling iti pre-loved wenno brand new items nga maummong dagiti agtutubo manipud kadagiti bukod da a bar-barangay.
Naimbitaran met dagiti nadumaduma nga online sellers iti Bacarra tapnun makatulong ken makimaysa iti daytoy nga umuna a programa iti SK Bacarra para iti barangay Tara-tara.
Ngarud, kas tulong, kinse pesos iti maited iti alkansya iti Pederasyon ti kada maysa gasut nga gatad iti mailako.
Daytoy nga programa ket mangrugrugin iti online ngem iti open house ket maaramid inton August.1-10, 2018 idiay Nicomedes Dela Cruz Park iti ili iti Bacarra.
Ti proceeds ket maigatang iti school supplies ken groceries maited kadagiti agtutubo iti Barangay Tara-tara.
