Davao City – Nagpaabot ang buhatan sa COMELEC ning dakbayan sa Davao sa order gikan sa Central Office kung i-extend ba ang pagfile sa mga kandidato sa SK gumikan gamay ra ang ihap nga nagfile og Certificate of Candidacy sa mao nga posisyon.
Sumala ni Commission on Election Spokesperson Atty.Mohammad Omar nga mag-agad lang sila mando gikan sa COMELEC Central Office.
Gidugang ni Omar nga wala na sila nagadawat og mga magparehistro nga mga botante gumikan naka-focus sila sa mga magfile nga mga kandidato karon panahona.
Gikanayon ni Omar nga base sa datus sa COMELEC sa sukad niadtong adlawng Sabado hangtod karong adlawng Huwebes aduna nay 824 ka mga SK nga nakafile na og COC alang sa 1st District, 1,193 alang sa 2nd District samtang alang sa 3 rd Distrct aduna nay 1,748 ka mga SK candidates ang nakafile na og COC.
Naglaum si Omar nga maka-file tanan mudaganay pagka SK ug Barangay official alang sa ulahing adlaw sa filing of COC ugmang adlawa.
RadyoMaN Don Pulayao
