ILOILO City – Nag courtesy call na si SK federation president Leila Luntao kay mayor Jose Espinosa III kahapon, Agosto 7.
Ini matapos ang masobra isa ka bulan nga nakapungko sya bilang ex-officio member sang city council.
Kaupod sanday Executive Assistant for Youth and Sports Affairs, Ms. Toni Gallos kag Iloilo City LYDO Head Mr. Jason Gregorio, sa pagpakigkita ni Luntao sa alkalde.
Sa ila pagkitaay ginpasalig ni Mayor Espinosa nga bukas ang iya opisina sa mga pamatan-on.
Nagalaum man ang alkalde nga may maayo nga pagbuligay ang opisina ni Luntao sa LYDO kag city Mayor’s sa pagpatuman sang mga proyekto ilabi na sa kampanya kontra ilegal nga droga.
Una na nga ginpahayag sang alkalde nga kun indi man mag courtesy call sa iya si Luntao, ginahangop na lamang niya ini bilang amay sang syudad.
Matandaan nga si Luntao ang ginpahayag suportado ni congressman Jerry Treñas sa SK federation election samtang si Gallos naman ang manok ni Espinosa.
