Milingkod na sa Sangguniang Panlalawigan sugod kagahapong adlawa ang bag-ong representante sa kabataan sa probinsya sa Bukidnon.
Kini atol sa gihimong sesyon kagahapon nga gipangunahan ni Bise Gobernador Alex Calingasan.
Una napiling Presidente sa Sangguniang Pederasyon ng Sangguniang Kabataan sa Bukidnon si Princess Grace Gayon ang SK Chairwoman sa lungsod sa Impasug-ong.
Samtang nagsugod na usab sa iyang trabaho ang napiling Presidente sa Sangguniang Kabataan o SK Federation sa syudad sa Malaybalay kagahapon.
Unang nanumpa si Councilor Dave Julian Balore sa atubangan ni Vice Mayor. Roland Deticio.
Si Balore ang SK chairman sa Barangay Mapulo ning dakbayan nga napiling SK Federation President ug napili usab nga Vice President sa SK Bukidnon Federation.
