Dayon na gid ang SK kag Barangay elections sa bulan sang Mayo.
Ini ang ginpasiguro ni Mr. Jonathan Sayno, election assistant II sang City Comelec.
Suno kay Sayno nga base sa ginpaguwa nga calendar of activities sang comelec en banc, natalana sa Abril 14 tubtub Mayo 21 ang election period.
Magasugod naman ang filing sang certificate of candidacy sa Abril 14 tubtub 20 samtang ang campaign period amo naman ang Mayo 4 tubtub 12 kag ang adlaw sang eleksyon amo ang Mayo 14.
Gindugang pa ni Sayno nga humalin pa sang nakaligad nga semana, nagsugod na sila sa pag-imprinta sang list of voters agud ma-check na sang mga botante ang ila ngalan kag mahatagan gilayon solusyon kon wala sila sa listahan.
