Masobra 5 mil ka mga kandidato ang nagapapili sa SK kag Barangay elections sa siyudad sang Iloilo.
Base sa record sang City Comelec as of 5 pm kahapon, ginpahayag ni City Election Assistant III Jonathan Sayno nga naglab-ot tanan sa 5,102 ang nagapapili sa nagkalain-lain nga posisyon sa SK kag Barangay Elections diri sa siyudad.
Sa nasambit nga numero, 396 ang nagapapili sa pagka-punong barangay kag 3,064 naman ang nagapapili sa pagka-barangay kagawad.
Samtang, 373 naman ang nag-file sang COC sa pagka-SK chairman kag 1,265 para sa pagka-SK kagawad.
Ginpahayag ni Sayno nga sa pag-extend sang filing sang COC subong nga adlaw, ginalauman nga gamay na lamang ang magadugang bangud halos nakatapos naman ang tanan sa pag-file sang ila COC kahapon nga amo ang nauna nga deadline nga gintalana sang Comelec.
