Davao City – Pataya ang usa ka SK Kagawad human kini misukol atol sa gilusad nga operasyon sa awtoridad nahitabo alas-10:30 Martes sa gabii sa Pioneer St., Brgy. 28-C, Davao City.
Deklaradong patay sulod sa Southern Philippines Medical Center (SPMC) si Raymart Duran alyas Kagid, 23 anyos, residente sa 4-1, Gov. Sales St., Brgy. 28-C, ug usa ka SK Kagawad sa maong barangay.
Atol sa operasyon, malampusong napalitan og usa ka pakete sa gituohang shabu ang suspetsado bugti sa P500 marked money.
Apan sa pagpaila nga pulis ang gikatransak niini, nanlaban ug mibunlot sa iyang armas de fuego si alyas Kagid dayon nagpabuto.
Daling nawakli sa pulis ang kamot sa suspek ug midepensa pinaagi sa pagpusil diin naigo kini sa too nga bahin sa abaga.
Gisulayan pa og dala sa balay-tambalanan si alyas Kagid apan nakabsan na kini og kinabuhi.
Narekober sa crime scene ang .22 kalibre sa black widow revolver ug gipabutong mga bala samtang nakuha mismo sa biktima ang mga drug paraphernalia lakip ang buy-bust money.
Una nahitabo ang operasyon, naila ang maong suspetsado nga nagapaluyo sa pagpangawat nga nahitabo sa Ramon Magsaysay avenue diin kaniadto na kining nasikop.
Gikonsidera usab kining street level target kinsa responsible sa distribuusyon sa droga sa Brgy. 28-C.
Ang patay’ng lawas sa suspek anaa na sa morgue sa SPMC.
RadyoMaN Don Pulayao
