By: Edgar T. Dagumo
Dipolog City- Nahimutang nga 50-50 ang umaabot eleksyon sa barangay karong bulan sa Mayo 2018 mahinayon ug dili tungod sa pagdapig sa kongreso sa gihangyo ni pamuno nasud Rodrigo Duterte nga uswagan pa sa usa ka tuig ang pagpatuman sa balaod militar (martial law) sa mindanao.
Gipangayo sa presidente nga lugwayan pa ug usa ka tuig ang martial law sa mindanao tungod sa daghanang hinungdan bisan pa kon nagmadaugon ang gobyerno pagsumpo sa mga terroristang grupo (ISIS-Maute group ) nga misulod sa dakbayan sa Marawi aron ipabarog ang ilang gustong estado.
Gikatakda unta niadtong bulan sa Oktobre niining tuig ang eleksyon sa barangay ug Sanguniang Kabataan apan subli na usab nga nauktaba pinaagi sa pagpanday sa kongreso ug balaodnon pag uswag niini apan sa mindanao nagdeklara nang daan ang Commission on Elections nga walay eleksyon tungod sa deklarasyon nga martial law.
Daghan ang naghinamhinam sa umaabot nga eleksyon sunod tuig ,daghan ang nag-ambisyon nga modagan sa pagka opisyal sa barangay ug daghanan ang gustong magpasubli bisan kon baho na kaayo ang ilang mga records ug performance sa ilang pagka opisyal sa barangay.
Tungod sa martial law extension migawas ang kabalaka nga dili napud mahinayon apan gi klaro karong buntag ni Ms.Cynthia Cabrera election officer nga nagdepende lamang kini sa desisyon sa comellec en banc kon himoong bang grounds sa pagpostpone ang extension sa martial law.
Ingon nga dili sayon-sayon lamang niini ang pagpostpone kay ipaagi pa usab kini ug due process sama sa pagpahigayon ug managsunod nga symposium sa matag lugar.
Mahitabo nga 50-50 mahinayon ug dili ang eleksyon sa sunod tuig apan sa pagkakaron wala pay guidelines nga giduso ang uluhang buhatan sa comellec pagpostpone ug subli sa eleksyon,
Punto ug Opinyon: Mag eleksyon pa o dili? palihog pag type sa inyong komentaryo sa ubos nga bahin .
