Davao City – Nasikop sa mga personahe sa Sasa Police Station ang usa ka Street Level Individual (SLI) human napalitan og mga illegal nga droga sa buy bust operation niadtong Pebrero 16, 2024 sa Juan Luna Extention, Brgy. 26-C, Davao City
Sa report sa Sasa Police Station, giila ang dinakpan nga si Veronica Jarmin, alias ‘Madam’, 49 anyos, residente sa nasampit nga lugar.
Narecover sa kapulisan sa posisyon sa dinakpan ang 13.81 grams nga mokantidad og P93,908 nga shabu, money, boodle mark money ug usa ka unit nga keypad cellphone nga gigamit sa illegal nga transaksyon.
Ang dinakpan detinado na sa Sasa Police Station, mag-atubang og kasong kalapasan sa RA 9165 o Comprehensive Dangerous Drugs Act of 2002.
Ang pagkasikop sa suspetsado, kabahin kini sa mas gipakusgan nga kampanya kontra illagal nga droga sa ilang area of responsibility (AOR) ubos sa pagdumala ni Police Major Carol Jabagat Hepe sa Sasa Police Station.
RadyoMaN Don Pulayao
Facebook Comments
