Roxas City, Capiz – Ginmanduan ni P- Rodrigo Duterte ang mga telecommunications companies nga Smart kag Globe nga kaayuhon sang mga ini ang ila serbisyo sa masunod nga lima ka bulan ukon tubtob sa bulan snag Disyembre.
Paandam ni Duterte, kun indi ini masarangan nga himuon sang nasambitan nga mga telcos tubtob sa Disyembre, ang gobyerno ang magahimu sang pamaagi.
Nagareklamo ang presidente angut sa inconvenience nga iya na-eksperiensyahan gamit ang Smart kag Globe lines.
Suno pa sa iya, pila ka tuig na nga naga-operate ang duha ka mga kompaniya, apang “lousy” nga serbisyo kag transaksyon ang nakukuha sang publiko.
Mahibaluan nga indi ini ang una nga tiun nga nagpaandam ang presidente sa mga telcos para makahatag sang maayo nga serbisyo, bangud sang 2016 matapos siya nga magdaog sa presidential elections, nagpaandam man ini sa nasambitan nga mga kompaniya nga kun indi makahatag sang sang madasig nga internet connection, ang mga foreign investors ang magahimo sini.
