SMART network nag-una sa SIM card registration

Davao City- Nag-una ang Smart network sa dunay pinakadaghang rehistrado nga SIM card sa entero nasod kini subay sa pinaka-ulahi nga datos nga gihatag sa National Telecommunication Communication (NTC XI) Davao Regional Director Nelson Cañete.

Matud ni Director Cañete nga ang maong network nakatala og dul-an 47 milyon sa mga SIM card nga narehistro (lakip na TNT ug SUN) kon 67 porsento sa total subscribers. Ang GLOBE network anaa sa 45 million ang SIM card kon 55 percent sa total subscribers samtang ang DITO network anaa lang sa 44.42 porsento.

Sa kinatibuk-ang talaan, mukabat na sa 99 milyones ka mga SIM cards (SMART, GLOBE, ug DITO) ang rehistrado kon 68% gikan sa 168 milyones ka mga SIM card nga aktibong gigamit karon sa entero nasod.

Dugang sa opisyal nga mas hinay ang turnout karon sa rehistrasyon kay matag adlaw anaa lang sa 100k ka SIM card ang narehistro matag adlaw diin wala na mangangha ang director sa maong dagan sanglit sa Hulyo 25 pa mapaso ang 90 days extension sa mandatory SIM card registration.

RadyoMaN Joel Viray