Davao City – Gisusi karon ug maayo sa Special Investigation Task Group (SITG) Denora ang anggulo nga malagmit ang armas nga gigamit sa pagluthang-patay sa newspaperman nga si Dennis Denora sa Davao del Norte mao usab ang gigamit sa lima pa ka laing mga insidenteng pagpamatay denhe sa Davao Region.
Sa usa ka news conference, gibutyag ni SITG Denora spokesperson Police Supt Louwe Padillo nga nigula sa ilang imbestigasyon nga nag-match ang narekober nga tulo ka mga basiyo sa bala ug usa ka cartridge sa .45 nga pistola nga gigamit sa pagpusil kang Denora ug sa lain pang mga biktima.
“Upon cross-matching po, ang Crime Lab po meron po silang result na it matches iyong lima pang kaso dito sa Region XI. Ibig pong sabihin noon, iyong baril na ginamit sa pagpapatay kang Denora, it is the same firearm sa other five murder cases,” segun ni Padillo.
Sumala ni Padillo, gilantaw nila karon ang background sa tanang mga biktima sa maong mga kaso.
“Iba-iba iyong mga victims, right now po kasi we are reviewing the cases. Kaya nga tinitingnan natin kung ano iyong mga ‘common denominators’ ng mga victims, at the same time, tinitingnan din natin kung isang tao lang din ba ang humawak ng baril na iyon that time na mayroong mga krimen na nangyari,” dugang ni Padillo.
Sumala ni Padillo, anaa pa sila sa lebel nga 40% diha sa ilang imbestigasyon apan sila malaumon nga ilang masulbad ang kaso base sa gihatag kanila nga 30 diyas nga timeline.
Gisulti sa tigpamaba nga gitun-an nila karon ang gihawiran nilang mga CCTV camera footages ug dash camera nga nakakuha ug hulagway sa mga insidente sa krimen alang sa hinanaling kasulbaran sa kaso.
Gipresentar usab sa SITG Denora ang pinaka ulahing hulagway ni Denora nga nagtan-aw og NBA Finals una kini napusilan niadtong June 7 sulod mismo sa iyang sakyanan.
Gibutyag ni Davao Del Norte Police Provincial Director Alan Manibog nga pipila na sa mga nakauban og tan-aw ni Denora ang ilang na-interview ug aduna pay wala pa nila nahinabi.
RadyoMaN Aimee Guinita
