Davao City – Gibutyag ni Dr. Ricardo Audan, Office-In-Charge (OIC) sa Southern Philippines Medical Center (SMPC) nga walay natala nga fireworks-related injuries ang balay tambalan subay sa ilang monitoring.
Sa interbyu sa DXDC RMN Davao kang Dr. Audan, giingon niini nga walay natalang mga insidente sa ospital nga gikalambigitan sa fireworks sa partikular na niadtong bisperas sa mismong adlaw sa Pasko karong tuiga.
“So far, since December 21 up to today (December 29, 2020) zero ‘ta sa fireworks, even sa Christmas eve or December 25, wala ‘tay mga kaso na mga fireworks-related injuries,” butyag ni Audan.
Matud ni Audan nga padayon nila nga i-monitor ang firecrackers hangtud Enero 4, 2021 diin nanghinaut kini nga wala matalang aksidente sa pabuto ug maselebrar nga luwas ang Bag-ong Tuig.
RadyoMaN Kirby Manzon
