Maga pulis del Tetuan Police Station ya recobri 500 carton de smuggled cigarillo na Arena Blanco del Sabado por la noche.
Ya tene que apunta el maga pulis ya encabesa si Major Mark Anthony Karanain na Lapulapu, Arena Blanco particular na un privado pantalan donde reportaomente ya columbra con el maga carton de cigarillo.
Apuera pa lang del pantalan ya puede ya Mira el maga pulis con el mas de 70 carton de cigarillo con marka Union.
Cuando ya entra maga pulis adentro del pantalan alya monton otro maga carton del cigarillo ya encontra donde suma total ya alcansa 500 carton.
Con el maga cigarillo ya lleva el maga pulis para el propio inventario y para entrega na Bureau of Customs.
Facebook Comments
