SMUGGLED | Mga luxury cars, ginpangwasak!

Cagayan de Oro- Ginsaksihan ni Presidente Rodrigo Duterte ang pagwasak sang 68 ka mga luxury cars kag walo ka motorsiklo sa Cagayan Economic Zone Authority.
Kalakip sa mga brand amu ang Lamborghini, Porsche, Mercedez Benz, BMW kag iban pa nga salakyan nga nagabalor sang P277-milyones pesos ukon magasobra pa.
Kaupod man ang pila ka units sang luxury motorcycles kaangay sang Triumph, Harley Davidson kag Chopper nga balor 19.5 million pesos.
Suno sa Malakanyang, ini ang magaserbe nga paandam sa mga smugglers.
Samtang maluwas kay P-Duterte yara man ang presensya ni Governor Manuel Mamba.
Sa madumdoman, sang nakaligad man nga Pebrero ginpangunahan sang presidente ang pagsamad sa smuggled luxury cars nga nagabalor sang P61.6 million pesos.
Ang nasambitan nga malahalon nga mga salakyan ang natigayon nga maharang sang mga otoridad makaligad nga wala sang may napakita nga mga permiso kag papeles nga legal ang pagpasulod sa mga ini sa pungsod Pilipinas.
photo © Francis Jorque CPIO

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments