Naharang sa mga pulis sa Sindangan ang Isuzu Elf nga may kargang mga smuggled nga sigarilyo.
Ang sakyanan gimaneho ug gipanag-iyahan ni Basar Hassan, taga Brgy. Talon-talon, Zamboanga City uban ang iyang pahinante nga si Appay Sangkahan taga MAmpang, Zamboanga City.
Sa gihimong checkpoint sa mga pulis didto sa Brgy. Pob. Sindangan ilang nasuta nga walay dokumento ang mga kargang sigarilyo nga gilangkuban sa 54 ka kahon ug 200 ka ream sa nagkadaiyang klase sa sigarilyo.
Gibana-banang sa P596mil ang kantidad sa sigarilyo ug anaa na karon sa kustodiya sa Sindangan MPS.
Sa kasamtangan anaa ang driver ug pahinante lakip na ang smuggled nga sigirlyo gikustodiya sa mga pulis alang sa dugang imbistigasyon.
Facebook Comments
