Davao City – Dili pa gihapon kumbinsido ang usa ka negosyante sa Agdao Public Market sa gidusong balaudon nga magsilot sa tibuok kinabuhi nga pagkabilanggo sa mga masakpang nalambigit sa smuggling syndicate.
Sumala ni Dodong Paco, negosyante, nga diha pa siya musaludo sa pandayong balaudnon kun adunay mataral sa hukmanan nga mga smuggler unya masilotan sa tibuok kinabuhi nga pagkabilanggo tungod sa pagsabotahi sa ekonomiya sa nasod.
Matud ni Paco nga makadismaya ang kaso sa smuggling sa nasod tungod kay nagpadayon ang modus operandi gumikan kay adunay mga taga gobyerno nga kakunsabo sa mga smuggler nga gikan usab sa mga ahensya sa kagamhanan.
Gidugang sa negosyante nga kun adunay pandayon nga balaod aron masumpo ang agricultural smuggling angay nga bitayon ang konbiktadong smuggler ug dili silotan lamang sa tibuok kinabuhi nga pagkabilanggo.
Facebook Comments
