Roxas City, Capiz- Nagahilibion sang nagpadulong sa Roxas City PNP ang isa ka 21-anyos nga estudyante matapos nga ini ang gin-agawan sang cellphone samtang yara sa ginarentahan nga apartment sa Hemingway St. Brgy XI sining syudad.
Suno sa biktima nga ginhingadlan kay “Jenelyn” 21-anyos Brgy. Jaena Norte banwa sang Jamindan, mga alas 11:50 sang gab-e sang ka-istorya sini ang abyan sa cellphone sa 3rd floor sang LUV Building.
Nagpanaog ini sa ubos kun sa diin natam-an nga may duha ka mga wala makilala nga mga persona nga naga-ihi. Wala niya ini ginsapak apang makaligad ang pila ka mga ginutlo, hinali nga nagpalapit ang mga suspek kag pwersahan nga ginsabnit ang iya cellphone nga nagabalor sang P16, 510 pesos.
Matapos ang insidente, madasig nga nagpalagyo ang nasambitan nga mga suspetsado.
