General Santos City—Malaumon karon si South Cotabato Governor Daisy Avancy Fuentes nga mahimong maayong lider sa PDEA 12 ang bag-ong install nga director nga si Valente Fortunato Ma Cariño.
Sumala ni Fuentes nga iyang ginapanghinaot nga dunay integridad ang bag-ong natuboy nga opisyal ug kayang mudumala sa iyang mga sakop sa tibuok rehiyon.
Dili buot si Fuentes nga mahitabo ang mga iligal nga mga pamaagi sa operasyon sama na lamang sa pagtanom ug ebidensya aron lang gyud masikop ang target.
Nanghinaot usab si Governor Fuentes nga usa ka didikadong opisyal ang bag-ong labaw sa PDEA 12 nga si Director Cariño.
Sumala ni Fuentes nga dapat tinud-anay ang pagtrabaho ug dili mahadlok bisan pa man nga mga dagkong opisyal sa kagamhanan ang ilang mabangga sa trabaho.
Kahinumduman nga gihulip sa posisyon si Cariño gikan sa pagdumala kanhi ni Director Gil Castro nga nahimong kontrobersyal tungod sa mga kwestyonableng mga operasyon.
(Photo From Web)
